होर्मुझची सामुद्रधुनी (Strait of Hormuz) आता इराणसाठी केवळ एक जलमार्ग राहिलेली नाही. ती त्याचे सर्वात प्रभावी ‘ब्रह्मास्त्र’ बनली आहे. या सामुद्रधुनीवरील नियंत्रण कायम ठेवण्यासाठी इराण अमेरिकेशी पुन्हा संघर्षाचा धोका पत्करण्यासही तयार आहे. इतकेच नव्हे, तर अनेक दशकांपासून आंतरराष्ट्रीय निर्बंध सहन करूनही ज्या अणुकार्यक्रमाला इराणने चिकटून ठेवले, त्यापेक्षाही होर्मुझवरील नियंत्रणाला आता अधिक महत्त्व दिले जात आहे.