बाइटडान्सचे संस्थापक झांग यिमिंग यांची संपत्ती १०५ अब्ज डॉलरवर पोहोचली असून ते आशियातील सर्वाधिक श्रीमंत व्यक्ती ठरले आहेत. टिकटॉकच्या अमेरिकी व्यवसायावरील नियंत्रण गमावल्यानंतरही बाइटडान्सने एआय क्षेत्रात आक्रमक गुंतवणूक वाढवली. चीनचे धोरणात्मक पाठबळ, खासगी कंपनी राहिल्यामुळे मिळणारी लवचिकता आणि डोबाओ व सीडान्ससारख्या एआय उत्पादनांच्या यशामुळे कंपनीचे मूल्यांकन ६०० अब्ज डॉलरवर पोहोचले आहे. हॉंगकॉंग : अमेरिका आणि…

विश्वाची अथांगता आणि त्यातील अद्याप न उलगडलेली रहस्ये शोधण्यासाठी नासाची नवी ‘नॅन्सी ग्रेस रोमन’ अवकाश दुर्बीण अवकाशात झेपावली आहे. हबलपेक्षा तब्बल १०० पट मोठ्या क्षेत्रावर नजर ठेवण्याची क्षमता असलेली ही दुर्बीण हजारो अतिनवतारे, दहा हजारो ग्रह आणि अब्जावधी आकाशगंगांचा वेध घेणार आहे. गडद ऊर्जा आणि गडद पदार्थाचे गूढ उलगडण्यासोबतच इतर ताऱ्यांभोवती फिरणाऱ्या ग्रहांचा शोध घेण्यातही रोमन महत्त्वाची भूमिका बजावणार आहे.

पीएम केअर्स फंडाने दोन वर्षांच्या विलंबानंतर आपल्या वेबसाइटवर आर्थिक वर्ष २०२३-२४ आणि २०२४-२५ चे लेखापरीक्षित आर्थिक विवरण (ऑडिट रिपोर्ट) अपलोड केले आहेत. हे दस्तऐवज १७ ऑगस्ट रोजी वेबसाइटवर उपलब्ध करून देण्यात आले.
या खात्यांचे ऑडिट ६ ऑगस्ट रोजी पूर्ण झाले आणि ७ ऑगस्ट रोजी ऑडिटर्सनी त्यावर स्वाक्षऱ्या केल्या.

फेब्रुवारीमध्ये अमेरिकेच्या संरक्षण विभागाने एआय क्षेत्रातील कंपनी एंथ्रोपिकला ‘सप्लाय-चेन रिस्क’ म्हणजेच पुरवठा-साखळीतील धोका म्हणून घोषित करण्याची धमकी दिली. कंपनीच्या ‘क्लॉड’ या एआय मॉडेलचा अमेरिकन लष्करासाठी वापर करण्यावरून हा वाद निर्माण झाला.

एंथ्रोपिकला असा दर्जा दिला गेला असता तर पेंटागॉनसोबतचा कंपनीचा 20 कोटी डॉलरचा करार धोक्यात आला असता. एवढेच नव्हे, तर अमेरिकेतील सर्व संरक्षण कंत्राटदारांनाही एंथ्रोपिकसोबतचे व्यावसायिक संबंध तोडण्यास भाग पाडले जाऊ शकले असते.